ازاي اسحب فلوس من فودافون كاش ؟

How-to-withdraw-money-from-Vodafone-Cash


اتكلمنا في موضوع كيف تقوم بالاشتراك في خدمة فودافون كاش عن طريقة التسجيل والاشتراك في خدمة فودافون كاش .

وبعدين انتقلنا الي شرح ماهي طرق الايداع في فودافون كاش وازاي اودع فلوس في حسابي في فودافون كاش وشرحنا فيها كل شئ بالتفصيل عن طريق الايداع في فودافون كاش وازاي اشحن حسابي بفلوس في فودافون كاش .

ولكن في هذا المقال سوف نتحدث عن طرق السحب من فودافون كاش .
وكيف تقوم بسحب المال من خلال فودافون كاش .

هناك ثلاث طرق للسحب من فودافون كاش 


1- طريقة السحب فلوس من فروع فودافون كاش

هتروح تسحب من فرع فودافون كاش ببطاقتك ولازم تكون البطاقة غيرمنتهية ، 
وتقول للموظف عايز اسحب فلوس فودافون كاش مبلغ وقدره من 50الي ٦٠٠٠ جنيه، 

بس لازم تخلي بالك ان في 1% رسوم علي السحب و3 علي سحب ١٠٠ جنيه او ١% علي اي مبلغ يعني لو هتسحب ١٠٠٠ هياحدوا عمولة ١٠ جنيه وبعدين هيقولك هات البطاقة عشان يتأكد الخط ده بتاعك ويتأكد من البيانات .

وبعدين هيقولك دخل الكود # 1 * 9 * لتأكيد عملية السحب وبعدين هيكيشلك الرصيد وقتي في حساباتك .

2- طريقة السحب الاخري فتكون من خلال ماكينة atm

هنالك عدة ماكينات يتوفر من خلالها السحب وهي البنك الأهلي المصري ، بنك عودة ،
بنك القاهرة ، بنك الاسكندرية ، بنك مصر .

- ادخل الكود # 9 * من خلال الهاتف ودخل الكود واختار المزيد السحب من atm .
- وبعدين هتختار المبلغ المراد سحبه من 20 الي 6000 جنيه .
- قم بإدخال الرقم السري .

- سيتم اصدار قم سري مؤقت لماكينة atm ، وهيجيلك في رسالة sms .
- قم بالتوجه إلي أقرب ماكينة atm للبنك التجاري الدولي .

- واختار خدمات بدون بطاقة ، أو اضغط علي من فضلك أدخل البطاقة ، بدون ادخال الفيزا ، 
  واختار محفظة فودافون كاش او كاش اوت او محفظة ماستر كارد كاش .

- وبعدين دخل الرقم السري اللي جالك في رسالة ، ودخل المبلغ اللي هتسحبه ، 
  وبعدين تدخل رقم الهاتف . ولحظة والفلوس تتعد لك .

ملاحظة هامة : رسوم السحب والإيداع هي 1% من أي مبلغ .


فيديو يوضح طريقة السحب من خلال ماكينة atm 




3- طريقة سحب الفلوس من خلال فوري 

هتروح لأقرب فرع فوري ليك وتسأله عن متوفر السحب من فودافون كاش وهيسألك المبلغ كام ولو عنده كاش موجود هيوافق .
وطبعا احنا دايما بنحاول نبعد عن فروع فودافون بسبب الزحمة ،ولكن هي الاضمن في السحب لو في الفرع فلوس .

وده فيديو من قناة فوري أبوكبير
يوضح طريقة السحب من خلال ماكينة فوري



طريقة عمل فيزا فودافون كاش للشراء من علي الانترنت :


  • اول حاجة اتاكد ان فيه معاك رصيد كافي ، دخل الكود رقم # 100 * 9 * 
  • دخل المبلغ اللي عايزه في البطاقة من 5 الي 6000 جنيه .
  • دخل الرقم السري ، ولحظة وتجيلك تفاصيل البطاقة في رسالة .
  • واتاكد انك هتشتري بنفس المبلغ من اي موقع واختار الماستر كارد ولو شريت بمبلغ 
  • اقل فالرصيد اللي هيفضل هيرجع لمحفظتك لان البطاقة صالحة ل 24 ساعة بس .
  • اول بطاقة في الشهر ببلاش ، واي بطاقة بعدها ب5 جنيه ومش دايما 
  • وساعات بيكون في خصم بنسبة 50%، البطاقة صالحة لمعاملة شراء واحدة فقط .
  • لايوجد ليميت لاستخراج البطاقات في اليوم او في الشهر. 

وده فيديو من قناة Ostaz Tech |استاذ تك
لشرح طريقة استخراج فيزا فودافون كاش 


وبكده انا أكون شرحت كل حاجة عن طريقة السحب الفلوس من فودافون كاش يارب تكون فهمتوا ولو عندك اي سؤال رد بالتعليقات .

شرح ماهي خدمة فودافون كاش في مصر

شارك الموضوع